Ilang paaralan sa Maynila ang nakatanggap ng bomb threat kahapon.
Ayon sa Manila Police District (MPD), nagsimulang makatanggap ng bomb threats bandang alas kwatro ng hapon ang Mapua Institute of Technology (MIT), Pamantasan ng Lungsod ng Maynila (PLM) at Lyceum of the Philippines University (LPU).
Agad namang idineklarang clear sa pampasabog ang PLM at Mapua.
Nagsuspindi naman agad ng klase maging ng trabaho ang Mapua dahil sa nasabing pananakot.
Una rito nakatanggap din nuong Miyerkules ng bomb threat ang University of Santo Tomas (UST).