Ilang opisyal ng Maynila nag-ikot ukol sa mga report na pagtaas ng halaga ng N95 masks

Nag-ikot sa mga pharmaceutical stores at iba pang tindahan sa Maynila ang mga opisyal ng permits and licenses bureau ng Manila City Hall.

Ipinag-utos ito ni Manila Vice Mayor Honey Lacuna-Pangan sa harap ng report na tumaas sa P200 ang halaga ng N95 masks mula sa dating P25 hanggan P30 ang isang piraso.

Binalaan ni Vice Mayor Pangan ang mga negosyante na may nakalaang parusa laban sa kanila sakaling mapatunayang nagsasamantala sa gitna ng kalamidad.