- Advertisement -
Inilarga na ng ilang kumpanya ang rollback sa presyo ng kanilang mga produktong petrolyo.
Epektibo kaninang alas-6:00 ng umaga ipatutupad ng Seaoil at Petro Gazz ang sisenta sentimos (P0.60) na tapyas presyo sa kada litro ng gasolina; trenta’y singko (P0.35) sentimos sa diesel at bente sentimos (P0.20) sa kerosene o gaas.
Magpapatupad din ng kahalintulad na rollback ang Shell, Phoenix Petroleum, Jetti at iba pang oil company, alas-6:00 ng umaga bukas.
Ito na ang ikalawang beses na nagpatupad ng bawas presyo sa mga oil product ngayong taon sa gitna ng dagdag excise tax sa langis.
—-
- Advertisement -
