Ilang flights pa-Maynila diverted sa Clark

0
54

Ilang flights papuntang Maynila ang napilitang lumapag sa Clark International Aiport bunsod ng nararanasang masamang panahon dulot ng Bagyong Ineng.

Sa inilabas na abiso ng Manila International Airport Authority (MIAA), na-divert ang mga flights ng Cebu Pacific mula Legazpi, Tagbilaran, Ozamiz at Davao patungong Maynila.

Diverted din ang biyahe ng Qatar Airways mula Doha pa-Maynila.

Napilitan ding lumapag sa Clark ang biyahe mula Cebu pa-Maynila ng Air Asia at biyaheng Maynila pa-Naga ng Cebgo.

Diverted din ang biyahe mula Guangzhou, China pa-Maynila ng Philippine Airlines.

Samantala, ang pag-divert ng ilang flights sa Clark ay bilang precautionary measure sa nararanasang masamang panahon sa bahagi ng Maynila.