Iriga City — Balot pa sa dilim ang anim na bayan at isang lungsod sa Rinconada area sa lalawigan ng Camarines Sur matapos na masalanta ng Bagyong Quinta.
Una rito, na-energize ka lamang ng Camarines Sur III Electric Coop, Inc. (CASURECO III) ang business district ng Iriga City na maliit na bahagi pa lamang sa buong service area ng kooperatiba.
Sinabi ni Ms. Ann Rochi-Iraola, information officer ng CASURECO III na 24/7 na ang ginagawang pagkumpuni ng kanilang mga linemen upang agad na maibalik an supply ng kuryente.
Umaasa ang opisyal na sa loob ng isang linggo maibabalik na nila ang ilaw sa mga bayan hanggang sa barangay.
Kinompirma nito na di aabot sa 100 poste ng koryente ang tinumba ng bagyo at ito’y maliit kun ikokompara sa Bagyong Tisoy na halos 500 poste ang natumba ng bagyo.
(Source: Interview with Ms. Ann Rochi Iraola- CASURECO III)