Hugtanong gi-kondina sa Integrated Bar of the Philippines (IBP) Davao Chapter ang pagpusil patay kang Atty. Sitti Gilda Mahinay-Sapie ug sa iyang bana ng si Muhaimin Sapie, niadtong Miyerkules alas 5:00 sa hapon, Hulyo 14, 2021 gawas mismo sa ilang balay sulod sa usa ka exclusive subdivision dinhi sa dakbayan sa Davao.
Ang IBP Davao Chapter nagpgawas sa ilang official statement diin nag-awhag ngadto sa Davao City Police Office nga hatagan og hustisya ang brutal nga pagpatay sa biktimang magtiayon. Nanawagan usab ang IBP-Davao Chapter ngadto sa gobyerno nga himoan ug lawom nga pagsusi ang panghitabo. Ug hatagan og igo nga proteksyon ang mga abogado nga mahimo nila ang ilang trabaho nga dili mabutang sa peligro ang ilang mga kinabuhi.
Sa karon, wala pa’y gipagawas nga official statement ang Davao City Police Office (DCPO) sa naasoy nga hitabo. Sigun ni DCPO Spokesperson Police Captain Rose Aguilar nga padayon pa ang gihimo nga imbestigasyon sa Talomo Police Station kalabot sa nasangpit nga krimen.
(Source: IBP Davao Chapter| DCPO)
