Umapela ng suporta ang Inter-Agency Task Force (IATF) sa publiko ng suporta kung anuman ang mapagdesisyunan kaugnay sa enhanced community quarantine (ECQ) sa buong Luzon.
Ayon kay Cabinet Secretary Karlo Nograles, napakahirap pagdesisyunan kung palalawigin ba o hindi na ang ECQ.
Aniya, napakaraming dahilan ang kanilang isinasaalang-alang sa lahat ng kanilang hakbang na gagawin kaugnay sa kinakaharap na krisis ng bansa dahil sa coronavirus disease 2019 (COVID-19).
Gaya na lamang umano ng kaligtasan ng publiko, ekonomiya, seguridad at iba pa.