30 C
Manila
Friday, April 19, 2024

Governor Solon Nagpasalamat Sa Mahugtanon Nga Pagpatuman Sa Nagpadayon Nga Modified Enhanced Community Quarantine, Walay Nadungag Nga Bag-Ong Pui Ug Pum Sa Sarangani Province, Samtang Dungag 600 Ppes Lauman Nga Mahidangat

- Advertisement -

Mapasalamaton si Governor Steve Chiongbian Solon ngadto sa pito (7) ka mayor sa probinsya sa Sarangani, sa mga barangay-purok official, ug sa katawhang Sarangan gumikan ni-kooperar ang kadaghanan sa mahugtanon nga pagpatuman sa nagpadayon nga Modified Enhanced Community Quarantine sa tibuok Sarangani Province.

Sa datus nga gipagula ni Doctor Arvin Alejandro, ang provincial health officer sa Sarangani ug maoy incident commander sa ICS sa probinsya, usa (1) na lang ka PUI matud pa ang anaa karon naka-admit sa hospital, samtang dise-otso (18) ka mild PUI ang naka-mandatory home quarantine. Walo (8) kabuok PUI ang nakagawas na sa hospital. Samtang, setentay-otso (78) ka mga PUM ang padayong ginahuman ang ilang home quarantine ug ang laing 685 kabuok PUM ang natapos na naka-self quarantine. Nagpabiling COVID-free ang Sarangani.

Sa pakighinabi sa usa ka istasyon sa radyo kagahapong adlawa, adlaw nga Dominggo, gibutyag ni Doctor Alejandro nga walay nadungag nga bag-ong PUI ug PUM sa Sarangani ning panahuna. Subling gipabalo ni Alejandro ang iyang celfone number aron kadtong adunay mga pangunata kabahin sa ilang mga gipamati sa lawas o dili ba kaha magpatabang nga mahatud sa hospital kung nag-suspetsa nga laing virus na ang nitapot sa ilang kaugalingon, ang pwede nilang mapaabot ug matagaan dayon og katubagan isip doktor. Ma-kontak si Sarangani Provincial Health Officer Dr. Arvin Alejandro sa celfone number nga 09985521794.

Samtang, karong mga semanaha, gikumpirma ni Doctor Alejandro nga muabot ang gi-order ni Governor Solon nga dungag 600 kabuok PPE o personal protective equipment magamit sa mga municipal ug provincial hospital sa Sarangani Province sa padayong paghiling sa mga pasyente kung may mga sintomas kining gibatyag. Madugangan pa kini tungod buot sa Gobernador nga bisan ang mga frontliner nga anaa sa mga checkpoint ang musul-ot usab og PPE panigurado samtang gaatubang sila kada adlaw sa publiko.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -