CAGAYAN DE ORO CITY- Ang City Health Office sa Cagayan de Oro mohimo sa house to house health check sa kabaranggayan aron sa pagdeterminer kinsa ang nagmasakiton apil ang pagmonitor asa ang ilang travel history. Kini pagabuhaton sa City Health Office, barangay/health workers Barangay Emergency Response Team, Barangay Nutrition Scholar ug sa Community Development Volunteer, matud pa ni Mayor Oscar Moreno.
Ang house to house activity, sumala pa ni Dr. Lorraine Bert sa CHO nga mag-apil na sa temperature scanning ug pagsusi usab sa house member sa mga sintomas sa sakit ug uban pang health concerns. Kabahin usab kini sa profiling samtang gimonitor niini ang travel history gikan sa gawas sa Cagayan de Oro.
Samtang sa pikas bahin, gisugilon ni Mayor Oscar Moreno nga nangita sila karon sa potential nga dapit alang sa pag-quarantine. Kini sa tinguha nga mapahimutang sa safe o luwas ang mga miembro sa pamilya gikan sa mga ipailawom sa quarantine. Kini dili angay nga kabalak-an tungod kay ang dapit nga himuan nila sa quarantine adunay health providers gayod nga moatiman sa mga pasyente.