CAGAYAN DE ORO CITY- Ang gidaghanon sa persons under monitoring (PUMs) sa dakbayan sa Cagayan de Oro padayon nga nagkataas sukad niadtong Marso 16, matud pa ni City Health Office-In-Charge Dr. Lorraine Nery. Sa record kagahapon, Marso 24, ang Barangay Health Emergency Response Teams (Bherts), ang syudad sa Cagayan de Oro adunay total nga 920 PUMs, 635Â niini ang ubos sa quarantina samtang 300 ang nakakompleto na sa quarantine period.
Sa pamahayag ni Nery, ang maong gidaghanon kalagmitan nagagikan sa mga residente sa dakbayan nga nagbyahe gikan sa Kauluhan. Gidugang pa sa pagsugilon nga ang mga barangays nga top 3 sa adunay daghang recor sa mga PUMs mao ang Bugo, Macasandig ug Carmen. Gitin-aw nga dili ni sila mga positibo, gipangmonitor lang.
Ang Bherts masubsob nga nagmonitor sa maong tawo aron nga sa panahon nga aduna nay sintomas nga makita sa ila mahatagan gilayon sa insaktong panambal.