Hatol ng Korte laban sa 8 akusado sa Balintang Channel Incident nirerespeto ng PCG

Ikinalungkot ngunit iginagalang ng pamunuan ng Philippine Coast Guard (PCG) ang naging hatol ng Korte laban sa kanilang mga tauhan na sangkot sa Balintang Channel incident.

Ayon kay PCG Spokesman Armand Balilo, nalulungkot sila sa naging kinalabasan ng kaso ngunit naniniwala silang ginawa lamang ng mga PCG personnel ang kanilang tungkulin.

Kaugnay nito, umaasa pa rin aniya sila na mababaliktad ang desisyon ng hukuman sa oras na kanila nang i-apela ang kaso ng walong (8) tauhan ng PCG.