General Santos City – Nahimong hapsay og malinawon ang pagsaulog sa katawhan sa Gensan sa Pasko, kini ang gikumpirma ni Gensan City Police Office Director Police Col. Alexis Yap.
Sumala niini nga Zero crime incident ang Gensan gani, subay sa report sa iyang mga Chief of Police, midagsa ang katawhan sa mga simbahan sa syudad apan bisan paman niini, walay mga nahitabong krimen.
Aduna lay nahitabong traffic accident gumikan sa kahubog sa mga driver. Nasayran nga una nang gimando ni Col. Yap ngadto sa iyang mga COP niadtong pasko nga harangon sa Check Point ang mga hubog dayon dad-on sa presento ug tugtan lang nga makauli higayon nga mahuwasan na sa kahubog aron likay disgrasya.
Samtang gi-congratulate usab ni Col. Yap ang tanang law enforcement Agency ug uban pang force Multipliers nga nagtinabangay aron nga mamahimong hapsay ug malinawon ang selebrasyon sa pasko sa syudad.
Dungan niini, siya nanghinaot nga unta sa pagsugat sa bag-ong tuig, mamahimong generally peaceful gihapon ug walay mahitabong dagkong insidente.
(Source: GSCPO)