Alang sa dugang proyekto ug kalambuan sa probinsya sa Zamboanga del Norte, giaprubahan sa mga miyembro sa Sangguniang Panlalawigan ang hangyo sa kagamhanang probinsyal alang na sa ayudang pinansyal sa kantidad nga 108 milyones ka pesos ngadto sa Department of Budget and Management (DBM).
Kini pinaagi sa resolution nga gipasupot ni 2nd District Board Member ug Presidente Protempore Julius Napigquit atul sa ilang regular session kaniadtong Lunes, Pebrero 1.
Ang kagamhanang probinsyal sa adiministrasyon ni Governor Roberto Uy naghangyo ngadto ni Secretary Wendel Avisado sa DBM ilawum sa Local Government Support Fund-Financial Assistance (LGSF-FA) alang na sa pagpatuman sa road projects sa maong kantidad nga nahisgutan sa unahan.
Kini mao ang repair/improvement of 1-kilometer Sto. Nino-New Dapitan Provincial Road, sa lungsod sa Tampilisan; repair/improvement of 3-kilometer Communal-Goin-Compra Provincial Road sa lungsod sa Liloy ug ang Repair/Improvement of 2-kilometer Sibuco-Lunday Provincial Road sa lungsod sa Sibuco.
Nasayran nga ang maong hangyo mahatag kini sa maong ahensya kung makumpelto ang tanang rekisitos diin lakip na niini ang pag-endorsar sa Sangguniang Panlalawigan. (PIC-mbmontederamos)
