Cebu City – Gipahibawo sa Philippine Drug Enforcement Agency o PDEA 7 nga 672 nasa 3,003 ka barangay sa Central Visayas ang drug cleared o wala nay problema sa droga.
Suma pa sa PDEA 7, lakip sa maong ihap ang dose ka barangay sa Barili, Cebu nga gideklarar nga drug cleared ni Director Levi Ortiz atol sa usa ka seremonyas.
Ang dose gilangkoban sa barangays Bugtong Kawayan, Cabcaban, Cagay, Luhod, Lupo, Luyo, Maigang, Pansil, Pang-Pang, Santa Ana, Tal-ot, ug Tubod.
Gani, ang mga kapitan gitunolan ni Ortiz ug ni Mayor Julieto Floresog certificate nga nagpamatuod nga luwas na sa droga ang ilang barangay.
Matod ni Ortiz, ilang paninguhaon nga sa di pa matapos ang termino ni Presidente Rodrigo Duterte mahawan na sa illegal drugs ang tanang barangay sa rehiyon 7.
Hinuon, gipahimangnoan ni Ortiz ang mga barangay officials nga di lang mo kompyansa.
Nagkanayon ang PDEA 7 nga kinahanglang bantayan kanunay ang mga mulupyo kon wala bay mibalik pag-apil-apil sa negosyo ug pag gamit sa droga.
Samtang si Mayor Flores mihatag og tag-P10 mil sa mga barangay nga drug cleared.
(Jhon Tadlip/JTY)
(Source/Photo: PDEA Regional Office 7)