Davao del Sur – Gipasakaan ug kaso’ng kalapasan sa Presidential Decree (PD) 1602 kun Illegal Gambling ang unom ka mga indibiduwal lakip ang usa ka barangay tanod human maabtan nga nagsugal ug hantak atol sa gipahigayong operasyon sa managlahing lugar sa Digos City, Davao del Sur.
Subay sa report sa Digos City Police Station giila ang mga dinakpan nga silang Larry Gamat kinsa usa ka barangay tanod, Rodel Emnace Perez, ug John Raymark Pace kinsa nadakpan sa Barangay Tres de Mayo ug sa Barangay San Miguel nadakpan usab sila Jovahne Del Rio Beton, Jandy Sanchez ug John Mark Tangub.
Ang mga nahisgutan naabtan nga nagsugal og hantak kon asa lakip nga gipang-imbargo sa mga pulis ang bato nga gigamit nila isip antogan ug ang kwarta nga ₱ 350.00 isip pusta.
(Source: Digos City Police Office)