Giaprubahan sa Sangguniang Panlalawigan alang na sa ikatulo ug katapusang pagbasa ang ordinansa kalabot na sa paglugway sa temporaryong pagsuspenso sa pagpatuman sa Section 4.1.9 o ang (rates, Fees and Charges on the Uses of Farm Tractor) sa Provincial Ordinance Number ZN-14-161 (Prescribing the Rates and Fees and Charges for Sevices Rendered and Prices of Products Produced by the Office of the Provincial Agriculturist and Office of the Provincial Veterenarian, both of this Province), uban sa fuel assistance gikan Abril 20, 2020 hangtud na sa Setyembre 30, niining tuiga aron matabangan ang mga mag-uuma kinsa nananum ug mais, upland rice, mga utanon ug lagutmon ug isip usa sa pamaagi sa food mitigation ning panahon sa COVID-19 nga pandemya, State of Public Health Emergency, ug sa paghatag ug gabayan niini ug uban pa.
Ang maong ordinansa gipangamahanan kini ni Board Member Romulo Soliva nga iyang gipasupot atul sa ilang regular session niining bulana.
Kini ang naaprubahan nga ilugway gikan Setyembre 30, tuig 2020 hangtud na Desyembre 31 tuig 2021 o hangtud mahurot ang budget nga gitagana niini.
Ang maong lakang base usab kini sa hangyo ni Provincial Agriculturist Maybel Bustaliño ug giaprubahan ni Governor Roberto Uy.
Gidasig sa administrasyon ni Governor Uy ang mga mag-uuma sa probinsya nga padayong mananum ug mais, upland rice, utanon ug lagutmon aron maseguro nga aduna ug masustiner ang supply s apagkaon alang sa katawhan samtang anaa sa quarantine period ang tibuok nasud gumikan sa COVID-19.
Niini aron mahatagan ug mechanical assistance ngadto sa mga mag-uuma alang sa pag-andam sa ilang umahan, gilugway ngadto na sa Desyembre tuig 2021 ang temporaryong pagsuspenso sa maong ordinansa kalabot na sa balayrunon sa traktor.
(Provincial Information Center | OIC Lyza Bautista, RPN DXKD Dipolog)
