Nakatakdang magpahigayon og panagpulong karong adlaw ang pamunuan sa General Santos City Police Office (GCSPO), kabahin sa ginahimong imbestigasyon sa nahitabong serye sa shooting incidents sa siyudad.
Sa pakighinabi , giasoy ni GSCPO spokesperson P/Capt. Rissa Hernaez nga tumong sa maong conference nga gipatawag sa City-PNP’s Directorate for Operations, aron mahibawan ang mga katikaran sa pagtutok sa kapulisan, aron mahatagan og kasolbaran ang maong mga kaso.
“Totoo nga po na hanggang ngayong week lang po ang binigay sa mga investigator natin para maresolba na po ang mga shooting incidents. Kaya nga po, ang ating mga investigators, ipapatawag ngayon. Magkakaron po tayo ng conference that will be presided by our City Director for Operation, para matutukan talaga kung ano ang dapat nating gawin, para maresolba na po talaga ang mga shooting incidents na nangyari dito sa siyudad ng General Santos,” ang tipik sa pamahayag ni Capt. Hernez.
Una niini, gihatagan lamang og hangtud karong semana nga timeline ni General Santos City Police Office chief, P/Col. Gilberto Tuzon ang mga police investigators, aron humanon ang ginahimong imbestigasyon sa mga nahitabong shooting incidents sa siyudad.
Matod pa ni Tuzon, igo na ang maong deadline aron makumpleto sa mga otoridad ang pagkuha sa mga ebidensiya ug testimoniya, nga makatabang aron mahatagan og kasolbaran ang mga insidente sa pagpatay, asa nalambigit ang mga riding-in-tandem criminals.
Niadtung December 2, gipusil sa wala pa mailhing mga suspects ang 27-year old businesswoman nga si Freya Joy Cuevas.
Patay usab sa pagpamusil niadtung December 7 ang usa sa ka retired Army Col. nga si Jack Espera ug ning December 9 lamang, patay gihapon sa riding-in-tandem criminals ang ABC president nga si Brgy. Glan Padidu chairman Isidrito Canete. Â (Jhon Rey Somido)