Usa ka snappy salute ang gihalad karon ni General Santos City Police Office chief, P/Colonel Gilberto Tuzon alang sa mga sakop niini, sa malampusong mga law enforcement operations aron magpabiling hapsay ug malinawon ang siyudad.
Una nang migawas sa bagong Simultaneous Anti-Criminality Law Enforcement Operation kon SACLEO Accomplishment Ranking, nga No.1 ang GSCPO, diin nakakuha og 81.59 total points kung itandi sa ubang police offices sa Soccsksargen area.
Lakip sa gihatagan og pag-ila sa maong ranking ang malampusong kampaniya sa GSCPO batok sa illegal drugs (21.56 points); loose firearms (20 points) ug ang pag-aresto sa mga wanted and most wanted persons (16.9 points).
“Congratulations TEAM GSCPO for the job well done
Keep it up,” ang tipik sa mensahe sa city top cop.
Misunod sa GSCPO sa maong SACLEO report ang Sultan Kudarat Police Provincial Office, Cotabato Provincial Police Office, Sarangani Police Provincial Office ug South Cotabato Police Provincial Office.
(John Rey Somido, photo courtesy by GSCPO chief P/Colonel Gilberto Tuzon)
