Zamboanga del Sur – Way hupay ang pagbangutan ug kasakit ang gibati karon sa pamilya Rollon sa Pitogo, Zamboanga del Sur human sa gidangatan sa anak niini nga c Pvt. Christopher Rollon kinsa namatay sa plane crashed didto sa Sulu, July 4 2021.
Si Pvt. Rollon ang usa sa mga sundalong biktima sa pagbusikad sa C130 Hercules 5125 ang nadala pa unta sa hospital apan sa wala pa madugay, wala gihapon kini maka survive gumikan sa mga samad niini nga naangkon sa kalawasan.
Dakong kahiubos ang nabati karon sa pamilya sa sundalong bayani sa panghitabo apan ang pinakasakit sa pagbati nga di gayud matugkad mao ang pagdeklara sa hospital nga si Pvt. Rollon, nagpositibo sa Covid 19.
Daw dili madawat sa tagtungod ang nahimong resulta. Mi-doble pa ilang pagbangutan tungod kay gikinihanglan ang mga pasyente nga Covid Positive, ilubong gilayon, agi sa health protocol., Gani, wala na maapil si Pvt. Rollon sa grand salute ug daw imposible na kini nga maipauli sa iyang yutang natawhan.
Pinaagi sa post sa social media, nanawagan ang pamilya ni Pvt. Rollon panghinaot nga tugutan makauli ang patayng lawas sa sundalo sa ilang panimalay bisan lamang sa makita kini sa pamilya sa ulahing higayon. Miani ug simpatiya ang maong post ug ubay ubay sa mga netizen ang misuporta niin.
Midumili pa una ang Zamboanga IATF sa pagpa byahe sa patayng lawas, apan pinaagi sa hinugpong pwersa ug paghangyo sa pipila ka lider sa Zamboanga del Sur, hingusgan ni Dumalinao Mayor Sweet Cerilles, nga dad on ang lawas ni Pvt. Rollon sa saad nga tumanon ang basic health protocol subay sa quarantine status sa probinsya.
Taliwala sa kaguol, migaan ang pamati sa banay sa sundalo sa tsansang gihatag sa gobyerno nga makauli ug makita pa sa pamilya ang usa sa mga fallen heroes, sa ulahing higayon. Miabot na ang lawas ni Pvt Rollon sa Pitogo kagabie ug gilubong gilayon kini 1:00 AM, July 7 2021.
(Diocsil Sanico, RPN DXKP Pagadian OIC, photos courtesy of Swettie Albarico | Junaflor Cerilles)