Cebu City – Gi confiscate sa Land Transportation Office (LTO 7) ang mga driver’s license sa grupo sa mga motorcycle rider nga Super Moto Cebu (SMC) ug gi isyuhan sila ug Temporary Operators Permit (TOP), atol sa ilang voluntary appearance ug pakigtagbo kang Director Victor Caindec, Mayo 21, 2021.
Kini human sa mitunaw nga isyu labot sa nag viral nga video ug hulagway nga ang maong mga riders mi himo ug stunt o wheelie sa ilang mga motor sa pampublikong lugar sa dakbayan, lakip na sa Osmena Boulevard, dool sa Capitol Building.
Gani, nakita pa sa usa ka video nga dunay nalamba nga rider.
Gi-angkon sa maong grupo nga sila kadtong nakita sa maong video.
Usa sa mga riders mi-angkon nga dili kalikayan nga madala sila sa emosyon ug masobraan ang pag gara.
Hinoon, nangayo sila ug public apology sa maong hitabo.
Ang LTO Ambassadress/Road Safety Advocate nga si Jet Lee, lakip nga mitambong sa maong tigom.
Iyang gi-angkon nga membro siya sa maong grupo nga gitakdang mag group pictorial niadtong adlawa, apan matod niya nga wala siya malakip niadtong higayona kay wa siya maka mata ug sayo.
Alang kang Caindec nga skills ang ilang gibuhat pero ila lang gibuhat sa public place.
Agig pag channel sa ilang energy ug skills into something productive, matod ni Caindec nga iyang i tap ang ilang tampo ug ipa ubos sa community service.
Sigon pa sa director nga iyang hatagan ug tahas ang maong mga riders nga motabang alang sa road safety awareness. (Jhon Tadlip/JTY)
(News & photos courtesy of: LTO 7)