Zamboanga del Sur – Atol sa gipahigayon nga presscon ni Governor Victor Yu ug DS Divina Grace Yu, nagpaabot usab ang kagamhanang provincial ug pahisubo sa pamilya ni Kapitan Ali Gampong sa Tiguma, Pagadian City, kinsa gipusil patay niini lamang nakalabayng adlaw.
Sa padayon nga pakighinabi ngadto kanila, gitubag ni Congresswoman Yu ang mga hugon hugon nga politika ang posibleng motibo sa ambush ug sila ang gitudlong mastermind sa mga kontra partido. Matud pa nya nga, dili nila ikabalaka ang maong espekulasyon tungon kay nasayod daw matud pa ang mga tawo nga dili sila ingon niana nga klase sa politiko. Dugang pa nga ang ilang pagpanerbisyo, walay alang lamang sa kalamboan ug katawhan.
Una nang mi anunsyo si Pagadian city Mayor Co, nga muhatag ug pahalipay sa makatudlo sa mga suspek sa krimen. Samtang Si Governor Yu, nagkanayon, nga andam usab ang provincial government muhatag ug assistance aron mapaspas ang dagan sa imbestigasyon. Gikinahanglan lamang ang koordinasyon sa police and investigative team aron makuha ang detalye ug tanang anggulo sa krimen ayha mu conclude kabahin ning maong kaso.
(Diocsil Sanico, RPN DXKP Pagadian OIC, photo courtesy of RPN DXKP Pagadian)