Gihatagan ug otoridad ug gahum si Governor Roberto Uy sa mga membro sa Sangguniang Panlalawigan sa pagpirma sa Memorandum of Agreement tali na sa Department of Health Zamboanga Peninsula-Center for Health Development (DOH ZPCHD) ug sa kagamhanang probinsyal sa Zamboanga del Norte.
Kini pinaagi sa resolution nga giduso ni 3rd District Board Member Ruth Brillantes, ang Chairperson sa Committee on Health sa Sangguniang Panlalawigan alang sa financial assistance sa kantidad nga ₱ 250,000 nga ihatag ngadto sa Labason District Hospital, atul sa ilang regular session karong semanaha.
Ilawum sa maong kasabutan, ang DOH mobalhin sa maong pundo ngadto sa probinsya diin ayuda alang sa indigent patients.
Kini tipik sa ilang Medical Assistance to Indigent Patients (MAIP) Program sa DOH hospitals ug ubang pinili nga government health facilities.
Giseguro sa probinsya sa Zamboanga del Norte nga adunay tambal ug uban pang health care services nga gikinahanglan sa mga kabus nga pasyente.
Ingon man, ang maong pundo alang lamang kini sa Labason District Hospital sa maong katuyuan nga nahisgutan sa unahan. (Provincial Information Center-mbmontederamos)