Iriga City – Tanganing mas orog na mapangatamanan an salud kan mga namamanwaan sa panahon kan pandemya pormal ng ilinansar ni Gov. Migz Villafuerte an kainot-inoting health center on wheels na may katuyuhan na abuton an mga hararayong lugar sa probinsya kan Camarines Sur.
Ini an maogmang pinag-urgulyo kan gobernador katakod kan serbisyo kaining dadarahon mientras na nagkakaigua na nin kasiributan sa man lain-lain na mga ospital huli sa nagdadakol na kaso kan covid 19 asin sa paglangkaw kan numero kan mga tinatamaan kaini.
Tinaw’an nin duon kan gobernador na may mga lugar sa probinsya na kaipuhan na maray an serbisyo kan nasabing health center on wheels na pueding magkaigua nin x-ray, ultrasound, ECG sagkod iba pa.
Prioridad kaini an mga harayong lugar na kulang an ospital asin doctor tanganing matabangan an mga tios na namamanwaan na madara nin libre an aspeto medical sa panahon nin pandemya.
(OIC Melvin Barayoga, RPN DZKI Iriga)
(Photo courtesy of Governor Migz Villafuerte Facebook Page)
(Source: Province of Camarines Sur Office – Capitol)