Davao de Oro – Every Davaoeño sa Davao de Oro ang tinuod nga Bulawan, nga ang kabililhon hulad matud ni Gov. Jayvee Tyron Uy sa mga pasundayag nga makitang live sa Social Media atol sa tulo ka adlawng pag selebrar sa probinsya sa “2020 Online Bulawan”.
Sila si Gov. Tyron Uy ug Vice Gov. Maricar Zamora maoy nangulo sa malampusong Opening sa “2020 Online Bulawan” niadtong Lunes (Oktobre 19,2020) sa buntag ug atol niini opisyal nga gipaabot sa gobernador ang iyang mainitong pasalamat sa mga katawhan sa Province of Davao de Oro nga masinugtanon, nagatuman, ug hugot nga misuporta matud pa niya sa mga polisiya nga gipatuman sa probinsya aron mapanalipdan ang kinabuhi sa mga katawhan batok sa gikahadlokang Covid 19 Pandemic.
Sa pagkakaron padayon gihapon nga manageable matud pa niya ang kahimtang sa probinsya, ug nahitabo kini tungod sa kooperasyon ug hugot nga suporta sa mga katawhan sa DdO.
Ang Province of Davao de Oro nagsaulog sa tulo ka adlawng “Bulawan 2020”, nga tungod bawal gihapon ang dagkong panagtapok ilalom sa gimandong Modefied Community Quarantine (MGCQ) sa probinsya ni Gov. Tyron Uy gihimo kining Online Celebration nga makitang Live sa Official Facebook Pages nga Province of Davao de Oro ug Serbisyo Oro Mismo (SOM).
“Every Davaoeño sa Davao de Oro ang tinuod nga Bulawan. Thank you sa inyong suporta ug pagtuman sa atong policy. Our situation is not this manageable if not sa inyong kooperasyon.” Matud ni Gov. Tyron Uy. (Gilbert M. Cabahug PAO-ID DDO, photo courtesy by Ronel Alvarez and Albert Dayao | OIC Michael Manguhig, RPN DXKT Davao)