Davao del Norte – Padayon gihapon sa pagkwarantina ang mga Department Heads sa Provincial Capitol sa Davao del Norte samtang gapaabot sila sa resulta sa gibahitabo nga swab test human sila na “exposed” sa usa ka nagpositibo nga miyembro sa secretariat sa gipatigayon nga Executive Meeting niadtong Oktubre 13 sa usa ka conference room sa kapitolyo. Ang nahiagutang Executive Mesting naghisgot sa mga importanteng lakang sa Probinsyal nga Panggamhanan nga dunay kalambigitan sa pagsulbad sa problema nga dala sa pandemya ug mga proyektong pangkalamboan sa katawhan.
Gilauman nga mugawas ang resulta sa swab test karong adlawa. Bisan pa man anaa sa kwarantina, gisiguro ni Provincial Administrator Engr. Josie Jean R. Rabanoz nga dili mapagan ang ilang mga obligasyon isip department heads sanglit sila padayon nga magtrabaho ubos sa “work from home” scheme.
Padayon gihapon ang transaksyon sa tanang opisina sa kapitolyo apan strikto nga ipatuman ang mga health protocols aron malikayan ang pagkuyanap sa makalilisang nga COVID-19.
(PickMo DavNor | OIC Michael Manguhig, RPN DXKT Davao)