Gov. Tyron Uy: Diskriminasyon Walay Luna Sa Province Of Davao De Oro

0
28

Davao de Oro – Walay luna ang diskriminasyon sa Province of Davao De Oro diin giklaro ni Gov. Jayvee Tyron Uy ang mas hugot nga implementasyon sa “Anti-COVID 19 Discrimination Ordinance” sa probinsya aron maprotektahan batok sa bisan unsang buhat ug aksyon nga makapaubos sa dignidad sa mga gidudahang natakdan, sa mga nagpositibo, ug sa mga “Frontline Workers” nga nameligrong matakdan sa COVID-19 tungod ilang trabaho ang kanunayng pagpaduol sa mga tawo nga nagpositibo ug adunay dakong posibilidad nga matakdan sa labing gikahadlokang sakit sa kalibutan.

Panahon sa Pilot Episode sa iyang “State of the Province” nga gi broadcast sa “Ziguradong Kuyaw, Ziguradong Lingaw Z Radio-88.5 FM” niadtong Lunes (Agosto 3,2020) sa alas 9:00-10:00 sa buntag kauban si Michael Uy sa PIA Regional Office XI, girekognisar sa gobernador ang kamahinungdanon sa mga frontline workers nga maoy natahasang mangamot sa mga mahinungdanong buluhaton aron mapugnan ang pagkuyap niining sakita.

Niadtong Mayo 4,2020 atol sa ilang 43rd Regular Session, ang SP DDO sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy nagpasar sa Provincial Ordinance No.68-2020 nga nailang “Anti-Covid 19 Discrimination Ordinance of the Province of Davao De Oro” nga hugtanong nagdili sa diskriminasyon o sa bisan unsang klase sa mga pagdagmal, pagdaug-daug, pagmaltrato, ug uban pang mga buhat nga makapaubos sa dignidad sa mga biktima sa COVID 19 ug sa mga frontline workers nga peligrong matakdan sa sakit tungod ilang trabaho ang pagpaduol sa mga tawo nga nagpositibo ug adunay dakong posibilidad nga matakdan sa maong sakit.

“Atong tabangan ang mga frontline workers aron dili sila ma demoralize ug dili maluya kay dili sayon ang ilang trabaho nga sa kanunay nag atubang ug dakong risgo ug peligrong matakdan sa sakit.
Dili malikayan nga kita mabalaka, apan basi baya sa atong kahadlok mapasakitan nato ang uban pinaagi sa atong pulong ug sa atong pagtratar kanila. Karong panahon sa COVID 19 vulnerable kaayo ang atong mga kaigsoonang frontline workers, apil ang atong mga kaigsoonang nag positibo, ang mga LSIs ug OFWs, mga suspects ug probable.
But the worst crisis should not make us worst people too. Mas importante karong panahona ang mahimong mas masinabtanon, mahimong mas pasensyoso, ug ang adunay pagtan-aw sa isig ka tawo”. Matud ni Gov. Tyron Uy. (Gilbert M. Cabahug PAO-ID DDO)

(Source: Serbisyo Oro Mismo Facebook page)

(Photo by Albert Dayao/Jonie Cadiz)

Leave a Reply