Iriga City — Suportado ni Camarines Sur Gov. Migz Villafuerte an kahagadan kan League of Provinces of the Philippines na hagadan man giraray nin swab test an mga malaog sa probinsya ini kasunod kan paghalwag sa travel restrictions orog na sa mga turista tanganing mabuhay an ekonomiya kan nasyon.
Sigun sa Gobernador, saros a posibling kausa kan padagos na paglobo kan kaso nin covid sa nasyon iyo an pinahalwag na restrictions sa LSI asin ROF, alagad kun hahagadan man giraray nin negatibong swab test result an mga mapule sa lambang probinsya, padagos na masasara an maski pa asymptomatic an carrier kan covid.
Inot kaini, duwang simana an itinaong plaso kan gobernadora tanganing pag-adalan an nasabing restrictions kun sain itinatao man giraray sa mga local na gobierno an desisyon.
Kun tutugutan kan IATF an kahagadan kan league of provinces posibling magkaigua man giraray nin mga border check point sa linderos kan probinsya orog na duman sa Del Gallego asin sa banwaan kan Bato, Camarines Sur. (Melvin F. Barayoga, RPN DZKI Iriga OIC)
(Source: Provincial Office of Camarines Sur)