Naawaten ti gobierno probinsial iti inted a tulong ti Dept. of Labor and Employment nga agpateg iti 991,848.00 pesos para iti “IN na Negosyo sa kariton” project.
Inbagian ni atty. Pancho Jose ni Gob. Matthew Marcos Manotoc a nangawat iti nasao a tseke kabayatan iti ceremonial turn over iti Laoag City Terminal.
Immun una ngem iti daytoy, inaprobaran ti DOLE ti nagbalin a lungalong ti gobierno probinsial babaen ken ni Gob. Manotoc a Negocart Project.
Ti “IN na Negosio sa Kariton” ken DOLE Assisted Program nga iimplementar ti Public Employment And Service Office iti kapitolyo probinsial nga idadaulwan ni Ms. Ann Marie Lizette Atuan.
Daytoy ket addaan iti gagem a matulungan dagiti kakailian nga addaan iti bassit a negosio tapno adda usaren da a pagsapul.
Malaksid iti daytoy, nalaka pay a pamataudan iti pundo dagiti babasit nga agpupuanan a makabangon ken pangrugian dagiti OFW’s a napukawan iti pagtranahuan.
Mainaig iti daytoy, indanon met ti gobernador babaen ken ni Atty. Pancho Jose ti nalaus a panagyamanna iti DOLE Regional office ken iti DOLE ilocos Norte gapu iti inted da manen a tulong ken suporta kadagiti kaprobinsiaan. (Ronald Domingo, RPN DZRL Batac Correspondent)
(Source: Provincial Government of Ilocos Norte)
