Dinayaw ni Gob. Matthew Marcos Manotoc ti pannakaisagana ti Ilocos Norte Tourist Triage iti abagatan a paset ti probinsia.
Segun kenkuana, manipud iti pagbuguan ti ima agingga iti pakaisayangkatan ti ‘’rapid antigen’’ ket napintas ti pannakaisaganana.
Imbatadna nga uray ti pagbuguan ti ima ket ‘’electronic’’ a manmano pay laeng dagiti pakasarakan ti kastoy a pasilidad ditoy probinsia.
Mainaig iti daytoy, kangrunaan a sinaludaran ken nagyamananna ni Provincial Tourism Officer Mr. Aianree Raquel ken ti sibubukel a grupo ti tutrismo.
Kabayatanna, inbunannag ti gobernador a manipud kadagiti naiyestablisar a pasilidad agingga iti pannakaiwanwan ti ‘’tourist triage’’ ket inpaay ti gobierno probinsial.
Immune-una ngem iti daytoy, inpakaammo ti provincial tourism officer nga adda dagiti sindadaan nga agserbi iti nasao a pasilidad nga agawat kadagiti turista mangrugi iti alas otso ti bigat agingga alas singko ti malem. (OIC Rod Sadian, RPN DZRL Batac)
(Source: Provincial Tourism Office)
