Agtultuloy a makikakammayet ni Ilocos Norte Governor Matthew Marcos Manotoc kadagiti maseknan nga ahensia ti gobierno tapno matulungan dagiti agtartaraken iti baboy a naapektaran iti African Swine Fever (ASF).
Inkari ti gobernador kadagiti kakailian a maipaayan iti tulong dagitoy kalpasan a dakkel ti pukaw da gapu iti agraraira a sakit dagiti baboy.
Saan a linged nga adu dagiti agtartaraken ti baboy idiay Solsona ken Dingras uray pay iti Marcos ken Laoag City iti pilit a nakoryente ken naikali dagiti taraken da a baboy iti adayu bassit a lugar gapu ti pannakaapektar da iti naapektaran iti ASF ditoy llocos Norte.
Gapu iti daytoy, kuna ti gobernador a naiget ti pannakibinnulig ti probinsia iti Department of Agriculture tapno matulungan dagiti kailian.
Impasingked iti ama ti probinsia nga aramiden na amin a kabaelan babaen iti tulong metten iti biang ti gobierno nasional da tapno masupurtatan ken maipaayan iti tulong dagiti apektado nga agtartarake iti baboy.
Immunan a nagibunong ni Gob. Marcos Manotoc kadua na ti Provincial ASF task force iti ASF Surveillance kit kadagiti naapektaran a barangay idiay Dingras ken Solsona. Malaksid pay dagiti inbunong ti gobernador nga uppat a baka, 5 a karnero, 3 a kalding ken 150 nga upgraded chicks kadagiti naapektatran a barbarangay kas sukat pay laeng dagiti natay a taraken da.
(Source: Provincial Government of Ilocos Norte – Communications & Media Office)
