Napasngbay ti Ilocos Norte ti maika-sanga ribu a turista sipud linukatan ni Gob. Matthew Marcos Manotoc ti turismo ditoy probinsia lima a bulanen ti napalabas.
Inpanamnama ti gobernador nga ad-adda pay a mapatibker ti panangipaay ti probinsia ti suporta iti benneg ti turismo
Daytoy ket agsipud ta mamati a dakkel ti maitulong ti turismo iti panagrekobre ken pannakapasayaat ti ekonomia.
Dakkel ti pammatina a maisubli ti dati a kinaganaygay ti turismo ken mangnamnama a mapasangabay ti probinsia ti sabali pay a sangaribu a turista.
Immun-una ngem iti daytoy, napasangaby dagiti agserserbi iti Pinili Visitor Center ti maika-sangaribu a turista a ni Ms. Maria Flabelle Maribel Pascual a taga probinsia ti La Union idi Marso diyes y siete.
Segun ken ni Gob. Manotoc, nabara a napasangbay a napnoan gagar ken nasayaat a panangsangaili a kas iti pakabigbigan dagiti umili ti Ilocos Norte iti nadakamat a turista.
Kunana a paset daytoy iti panangrambak ti probinsia iti sangkabassit a nagapoanan ken naisangsangayan a kanito.
Innayonna nga agtultuloy ti saggabassit ken napnoan responsibilidad a panangpasangbay kadagiti turista para iti in0inut a panagrekobre ti turismo ken ekonomiya ti probinsia.
(Ronald Domingo, RPN DZRL Batac Correspondent)
(Source: Provincial Government of Ilocos Norte)