Alabel, Sarangani Province – Nagpirmahanay ang mga mayores sa munisipyo sa Sarangani ug National Housing Authority ( NHA) og Memorandum of Agreement alang sa resettlement project.
Ang maong proyekto ang maghatag og libreng pabalay sa mga munisipyo sa Sarangani kon diin gipondohan sa NHA sa mokabat sa ₱ 25-milyones ka pesos matag munisipyo.
Mukabat sa 80 ka mga benepisyaryo matag munisipyo ang matagaan sa maong proyekto kon diin anaa sa 250,000 pesos ang kantidad sa usa ka libreng balay.
Atol sa seremonyas sa MOA signing, sa Capitol Gym, sa Alabel Sarangani Province, anaa mismo si Deputy Speaker Congressman Rogelio “Ruel” Pacquiao, mga Mayor, ug ang NHA.
Misaksi usab sa maong katiguman ang unom ka mga mayor sa probinsya.
Daku ang pagpasalamat nilang Mayor Xyrex Pacquiao sa Maasim Mayor Yap sa Glan ug Mayor Boogie Martinez sa Kiamba nga naglangkob sa Technical Working Group sama sa MPDO, MEO, MASSO, tanang department head nga naningkamot nga mapahiluna ang maong pabalay nga proyekto.
Inisyal nga nauna nga naka-benepisyo sa maong proyekto mao ang munisipyo sa Maasim, Glan ug Kiamba. (John Rey Somido)