General Santos City – Husto ang huna-huna sa uban nga lig-on ang Gillamacs Building ug dili huyang unya kabungkagon na. Subay sa Structural Certificate nga gihuptan sa Office of Building Official kon OBO Gensan nigawas sa Structural Review ug Inspection nga Safe for Occupancy ang Gillamacs, wala lang nagamit sa bangko nga mao ang bag-ong tag-iya gumikan walay parking area.
Sumala sa Regional Sub Committee Chairman sa Association of Structural Engineers of the Philippines nga si Engineer Emmanuel Awayan nga Nobyembre 21 silang gi inspection ang Gillamacs ug nigawas sa inspection nga ginagmay lang ang damyos niini sa 6.8 magnitude nga linog. Yellow ang ilang gibutang nga tagging sa gawas sa building gumikan sa mga debris sa ibabaw nga bahin, aduna silay rekomendasyon. (Jun Abelo)
