Human sa mga tuig nga rido, ang dugay nang panagbingkil tali sa mga pamilya Ali ug Canapi sa Labangan natuldokan na adlawng Mierkules, nga nagmarka sa usa ka hinungdanon nga lakang paingon sa kalinaw ug pagkahiusa sa lungsod.
Ang pagpasig-uli nga gipahigayon sa presensya sa mga lokal nga opisyal ug mga lider sa komunidad, namugna pinaagi sa Provincial Government sa Zamboanga del Sur sa pagpanguna ni Gobernador Victor J. Yu. Aron matabangan ang mga pamilya sa pagpadayon sa ilang panginabuhi, gihatagan sila og pinansyal nga tabang nga P8,000 isip bahin sa inisyatibo sa gobyerno alang sa kalinaw.
Misaksi sa maong mahinungdanong seremonya sila Board Member Dang Mariano, Ex-Officio Board Member Shaner Mabang, PIO Jeesrel G. Himang, LPEC President Joseph Kim Yu ug Muslim Affairs Head Mustapha Piang.
Gidayeg sa mga opisyales ang duha ka pamilya nga nagpaubos sa ilang mga kaugalingon aron makab-ot ang pagsinabtanay ug magmugna og usa ka mas malinawong komunidad alang sa umaabot nga mga henerasyon.
(Source: Victory Zamboanga del Sur Facebook page)