Cebu City – Miabot na og dul-an sa 18 mil ang gidaghanon sa mga kompirmadong kaso sa coronavirus disease sa Central Visayas apan matod sa Department of Health o DOH 7, 3,999 lang ang aktibo hangtod sa miaging adlaw.
Segun sa uwahing case bulletin, nakatala ang DOH-7 dugang 104 ka bag-ong nagpositibo ug 170 ka bag-ong naulian.
Tungod niini, mitungtong na sa 17,797 ang tanang gipang-covid ug 12,761 ang naayo.
Ang  104 ka uwahing gitakboyan gilangkoban sa 29 sa probinsiya, 27 sa Lapulapu City, 23 sa Cebu City, siyam sa Bohol, pito sa Mandaue City.
Sa kabahin sa mga nakarekober, 121 sa Cebu City, 26 sa Lapulapu City, 12 sa Cebu province, ug tulo sa Negros Oriental.
Ang Cebu City, nga labing daghan og kaso nga 9,365, aduna na lay nahibiling 1,549 nga aktibo o 16.54 porsyento.
Samtang ang recoveries miabot na og 7,201 o 76.89 porsyento sa kinatibuk-ang kaso ug ang mga namatay nagpabiin sa 615 ay wa may nadugang pagka Sabado.
Sa Cebu province, ang siyudad sa Talisay ug mga lungsod sa Consolacion ug Minglanilla nga nag-una niadto sa mga kaso, mius-os na ngadto na lang sa wala makaabot og 100. (Jhon Tadlip/JTY)
(Source: Department of Health VII)