Halos balik na sa normal karon ang syudad sa Gensan human nga nadeklara na kini nga MGCQ kon Modified General Community Quarantine gikan sa General Community Quarantine subay sa naaprobahang resolution sa National Inter-agency Taskforce .
Kini nag gibutyag karong buntag ni Gensan City Mayor Ronnel Rivera sa gipahigayong press conference sa mga local media kauban ang local IATF nga ilawom sa MGCQ halos balik sa normal na ang operasyon sa negosyo , turismo ug pagawas sa mga tawo gikan sa ilang mga panimalay .
Gidugang sa Mayor nga dili na kinahanglan ang quarantine pass Id, wala na ang clustering ug number coding , ablihan na ang turismo susama sa mga hotel, resorts, bars , gym ug daghan pa aron makabalik na ug arangkada ang ekonomiya sa syudad.
Samtang ang panagtigum sa simbahan ang gitugutan na usab lakip ang mga non –contact sports para sa mga atleta , jogging ,biking ug uban pa apan gikinahanglan gihapon ang mga health protocol susama sa pagamit ug facemask ug social distancing .
Ang transportation gitugutan apan gihulat pa ang guidelines ilabina ang utility bus ug utility van nga molabang sa mga boundary pasulod ug pagawas sa Gensan .
Matud pa ni Mayor Ronnel Rivera ila pang gihulat ang guidelines sa LTFRB ug ang ilang pagplastar sa ipatuman nga contract tracing apps sa mga sakyanan ug mga tawo nga mosulod ug mogawas sa Gensan.
New normal na ang tawag sa maong kabaghuan sa MGCQ ug gitugutan na usab ang pag abli sa mga turismo sa syudad susama sa beach resorts ug bisan unsang resorts susama sa Olaer ug Lagare swimming resorts , internet café ug mga videoke bar .
Samtang giklaro usab nga bawal pa mogawas ang mga minor de edad ug mga senior citizens ug uban pang immuno compromise persons sama sa masakiton ug high blood ug diabetes .
Tanggalon na usab matud pa ang mga PNP control points ug mga Barangay checkpoints gawas lamang sa border kon boundary checkpoint sa Gensan ug sa sikbit nga probinsiya .
Tumong niining mapasulbong ang ekonomiya sa syudad dala sa pampatuman sa mga health protocol batok covid 19.
Ang MGCQ epektibo Mayo 30,2020 . ( Roniel Degorio)