General Santos City – Kaadlawon pa kaganina, Enero 12, 2025, ang General Santos City Police Office, ubos sa pagpangulo ni PCOL NICOMEDES P OLAIVAR JR., City Director uban ni PLTCOL ALDRIN M GONZALES, DCDO, nagpahigayon og nagpakatag og COMELEC Checkpoint isip pagpangandam sa umaabot nga National ug Local Elections, ingon man ang BARMM Parliamentary Election.
Ang City Director, kauban ang DCDO ug uban pang dedikado nga mga opisyal ug personahe sa GSCPO, personal nga nangulo sa mga operasyon aron masiguro ang hapsay nga pagpatuman niini.
Estratehikong gipahimutang sila sa tibuok siyudad, makugihong nagsusi sa mga sakyanan ug indibidwal subay sa guidelines sa Comelec. Kini nga paningkamot dili lamang nagpalig-on sa mga lakang sa seguridad apan nagsilbi usab nga pahinumdom sa publiko bahin sa kamahinungdanon sa pagsunod sa mga regulasyon nga may kalabotan sa eleksyon aron mapadayon ang usa ka malinawon ug demokratikong proseso.