Sarangani Province – Ang LGU Malungon, pinangulohan ni Mayor Tessa Constantino, nipahigayon og turnover ug ribbon-cutting ceremony alang sa bag-ong nahuman nga Poblacion Malungon-Sta. Maria Bypass Road niadtong Marso 20, 2025, sa Barangay San Roque, Malungon, Sarangani Province.
Ang maong kalihukan gitambongan ni Congressman Steve Chiongbian Solon ug sa iyang asawa, Michelle Lopez-Solon.
Sa iyang mensahe, si Mayor Tessa niingon, โAmong ipaabot ang among pasalamat sa probinsiya sa Sarangani, sa among minahal nga congressman sa manami nga proyekto, nga atong damgo nga masemento ang dalan. Tani sa atong nadawat nga panalangin gikan sa Ginoo, magpadayon ang atong panaghi-usa.โ
Ang proyekto, nga nagkantidad og P49M, naglakip sa konkretong box culvert, usa ka concrete-lined canal, thermoplastic pavement markings, ug mga bahin nga adunay solar LED roadway lighting.
Gipondohan kini ubos sa GAA 2024-CSSP-001 ug gipatuman sa DPWH-Sarangani District Engineering Office nga girepresentahan ni Engr. Rey Francisco, (Sarangani District Engineer), uban sa MJ Tiongson Construction/MCHAI Construction and Hardware Supply (JV) isip kontraktor sa proyekto. (Rem Agdon)
News&Photos: MIO-Malungon