General Santos City – Nasugdan na ang pagbalhin sa mga linya sa lain-laing mga Telecommunications Companies ug mga CCTV sa Silway Bridge, Digos-Makar Highway, duol sa Mabuhay Underpass ning s’yudad sa General Santos.
Kini aron maandam ang dalan alang sa pagbutang sa mga tubo sa mga tauhan sa Construction company nga padayon ga-trabaho sa Gensan Underpass project.
Ang Congressional Office ni Gensan lone District Representative/Congresswoman SHIRLYN BAÑAS , mga telco, ug tanang may kalabutan nga ahensya nagtinabangay aron mapadali ang trabaho Underpass project, ug maminusan ang epekto sa dagan sa trapiko ug kahasol sa mga commuter.
Mihangyo lamang si CONG. BAÑAS sa dugang nga pa-ilub ug pagsabot sa publiko ug mga motorista, gumikan gibuhat matud pa ang tanan angay trabahoon aron matapos dayon ang Underpass project. (Rem Agdon)
News&Photos: SBN