Mitaliwan na ang usa sa mga beteranong peryodista ug public servant sa General Santos City nga si Roger Lambot, Sr.
Si Roger Lambot kanhi station manager sa Radio Mindanao Network-GenSan, anchor ug reporter sa RPN-DXDX, DXTM-Trimedia, Radyo Alerto ug correspondent sa national radio network MBC-DZRH.
Gawas sa paghatod og balita, naila usab si Roger sa iyang mga komedya sa kahanginan ug bisan sa iyang mga kauban.
“Jolly nga tawo si Kasamang Roger. Natural sa iyaha ang komedya nga makapalipay sa iyang mga kauban. Maayo siya sa pagtukod og relasyon sa iyang mga kauban,” matod ni Roniel Degorio, usa sa mga media personality sa GenSan ug kauban ni Roger.
Si Roger Lambot nagsilbi usab sa tulo ka termino nga konsehal sa Barangay Apopong.
Mibaha usab ang mga mensahe sa pahasubo sa opisyal nga chat group sa Soccsksargen Media human madawat ang balita sa pagkamatay sa beteranong magsisibya. (Fred Degala)