General Santos City – Mabaga nga ihap sa Non-Government Organization, Force Multipliers ug uban pang nagkalain-laing sektor sa komunidad misaad nga motabang ug mopadako sa seguridad, kaluwasan, kalinaw ug kahapsay sa rehiyon sa SOCCSKSARGEN. Gihimo kini atol sa paglusad ug pagpanumpa sa Unified Force Multipliers (UFM) sa Grandstand, PRO 12, Tambler , General Santos City kagahapon sa buntag, Septiyembre 4, 2023.
Ang seremonyas gipasiugdahan sa Regional Director sa PRO BARMM PBGEN ALLAN C NOBLEZA isip Guest of Honor ug Speaker. Mokabat sa 878 ka mga partisipante gikan sa nagkalain-laing organisasyon ug sektor sa komunidad ang mitambong sa mass oath taking, ceremonial wearing og uniforms, ug pagbutang og sticker nga UFM nga mga motorsiklo.
Ang inisyatiba gipangulohan sa Force Commander sa Regional Mobile Force Battalion (RMFB) 12, PCOL MAXIMO F SEBASTIAN, JR. diin ang nag-unang tumong niini mao ang pagtabang ug pagsilbi nga kaalyado sa Police Regional Office 12 sa pakigbatok sa tanang matang sa kriminalidad, ilegal nga drugas, ug terorismo. (Rem Agdon)