Alabel, Sarangani Province – Dali nga gi-rescue ug gidala sa hataas nga lugar ang daghang mga mga residente sa lain-laing dapit sa Alabel, Sarangani Province human gibaha ang pipila ka ubos nga mga luga sa maong lungsod human mi-apaw ang Buayan River gumikan sa dugay nga pagbundak sa ulan sa kabukiran.
Human namatikdan ang naasoy nga pagbaha, gilayong gi-activate sa LGU-Alabel ang Search and Rescue Team (SAR TM) ilalum sa Municipal Disaster Risk Reduction and Management Office (MDRRMO) ug gipakatag sa lugar nga baha-non, samtang ang ubang mga tauhan sa MDRMO-Alabel gamonitor sa gidak-on ug gikusgon sab aha sa Buayan River.
Partikular nga adunay gi-rescue ug gibakwit nga mga residente gumikan sa baha gagikan sa Purok 8 Talik, Brgy. Baluntay tungod sa halos walay undang nga pag-ulan, Mayo 18, 2025 ug dali silang gidala sa hataas ug luwas nga lugar. (Rem Agdon)
News&Photos: MIO-Alabel