General Santos: Tricycle nga magdumiling muapil sa kooperatiba pasensyahan nalang pag-abot sa Oktobre 22 – Kag. Lagare

0
0

General Santos City— “Pasensyahan nalang” mao kini ang nahimong pamahayag ni kagawad Atty Jun Lagare ang chairman sa komitiba sa transportasyon sa Sanguniang Panglungsod ngadto na sa mga tricycle driver nga magmagahi nga mu-apil sa tulo ka mga kooperatiba sa syudad aron nga mahatagan sila ug prangkisa.

Sumala pa ni Kagawad Lagare nga taas na nga panahon ang ilahang gihatag ngadto sa mga nasangpit nga driver aron magdesisyon nga musalmot  sa tulo ka mga kooperatiba sa tricycle sa syudad nga mao ang apple green, red ug white transport cooperative alang sa mas han-ay nga dagan sa trasportasyon sa syudad.

Dugang pa niini nga paglampas sa petsa sa ilahang deadline nga Oktobre 21, magsugod na ug panakop ang otoridad sa mga kulurom ug walay kooperatiba nga mga tricycle.

Aminado usab si city councilor  Lagare nga napasagdan gayud ang mga tricycle sa syudad hinungdan nga sa karon midaghan na kini ug maayo ug lisud na makontrola, apan pinaagi matud pa sa ilahang gihimo, mahatagan ang kadaghanan ug tyansa nga makabyahe ug mahatagan tricycle driver ug prankisa.

LEAVE A REPLY

Please enter your comment!
Please enter your name here