General Santos City – Himas rehas ang usa ka tricycle driver human gireklemo ug Acts of Lasciviousness.
Ang suspek giila sa pangalang si Arwin Badsalaw Hasim, 29 anyos minyo ug residente sa Purok Mudia Extention, Barangay Labangal, ning syudad sa GenSan.
Sumala pa nahitabo ang pagpang molistiya sa suspek sa biktimangng 15 anyos, grade 9 estudyante sa Notre Dame University Integrated Basic Education, Marist niadtong Hunyo 11, 2023 sa diha misakay kini sa tricycle sa suspek ug gipangayoan ug celphone number ang estudyante ug dihang minaug na ang biktima kalit kining gigunitan sa suspek ug gihalukan sa lips maayo na lang kay nakadagan ang biktima.
Pipila ka semana ang milabay, nagsige na ug text ang suspek ngadto sa biktima hinungdan nga nakahukom ang pamilya nga i-entrap ang suspek nga gustong makigkita sa usa ka mall ning syudad.
Didto na kini gi-aresto ang suspek. Human mikagat ang suspek sa entrapment nga makigkita ang biktima sa SM mall gisugat sa suspek ang biktima sa sulod sa SM mall ug giagbayan pagawas sa maong mall ug didto na kini giposasan sa kapulisan.
Sa karon giandam na ang kasong Acts of Lasciviousness in Relation to RA 7610” nga ipasaka batok sa nasangpit nga suspetsado.
