General Santos City – Arestado ang isa ka lalaki human kini nakuhaa’g druga ug pistola sa sa ginlunsad nga Search Warrant Operation sa mga hiniusang operatiba sa Surallah Municipal Police Station sa Block Daisy, Zone 6, Brgy Libertad, Surallah, South Cotabato, Oktubre 18, 2024.
Si Police Lieutenant Colonel Conrado N Jovero Jr., hepe sa Surallah Municipal Police Station, niila sa dinakpan nga sila si alyas “Naya” 40 anyos, minyo, Tricycle Driver ug residente sa nahisgutang lugar sa operasyon.
Matod ni PLTCOL Jovero Jr. ang Search Warrant gipatuman mga alas 4:20 sa kaadlawon sa hiniusang operatiba sa Surallah MPS ug SCPIU uban sa mga personahe sa RID 12 tracker team Charlie, RSOG 12, SCPDEU, 1st SCPMFC-SWAT TEAM, 2nd SCPMFC.
Nakuha gikan sa suspek ang usa ka unit sa homemade single shot caliber 45 pistol nga adunay upat ka buhing bala sa Caliber 45 ug duha ka heat sealed plastic transparent sachet nga adunay sulod nga gidudahang shabu nga motimbang og 0.20 gramos ug adunay Standard Drug Price nga Php 6,800.00. Kasong kalapasan sa RA 10591 o Comprehensive Firearms and Ammunition Regulation Act ug R.A. 9165 o ang Comprehensive Dangerous Drugs Act of 2002.