General Santos City – Dako ang pagpasalamat ni Barangay Labangal Kapitan ug Incoming City Mayor Lorelie Pacquiao ngadto sa katawhan sa pagsalig kaniya isip mayor human makakuha ug taas nga boto sa May 9, 2022 election.
Ilalom matud pa sa iyahang administrasyon, iyahang tutukan ang social services sama nalang sa mga bayrunon sa hospital ug uban pa.
Lakip matud pa ang pagsulbad sa isyu sa transportasyon apan gipaniguro niini nga walay mawad-an ug panginabuhian rason nga ilaha kining planuhon ug sakto.
Dugang pamahayag ni Kapitan Pacquiao nga nauna na matud pa nilang nasabutan uban ni Kagawad Dominador Lagare Jr nga paningkamutan nga tanang mga tricycle nga walay prangkisa ang mahatagan aron nga dili magtago-tago sa pagkuha ug pasahero.
Ilalom matud pa sa iyahang administrasyon lauman ang serbisyong tinud-anay ug walay kurapsyon nga mahitabo. (John Rey Somido)