Matalam, Cotabato – DEAD ON ARRIVAL ang usa ka lalaki human kini nakig pinusilay sa otoridad atol sa gikasang operasyon sa Sitio Condring, Barangay Marbel, Matalam, Cotabato, alas 8:40 sa gabii Enero 4, 2024.
Giila sa kapulisan ang namatay nga si alyas Jessie,33 anyos nanimuyo sa Barangay Nasir,Rosario Batangas nga gikunsiderang Top 2 Provincial Most Wanted Person.
Subay sa report sa Matalan Municipal Police Station pasado alas 8 sa gabii dihang gikasa ang operasyon sakop Matalam MPS ug 45SAC PNP batok kang alyas Jessie bitbit ang warrant of arrest gumikan sa kasong paglapas RA 10883 (New Anti-Carnapping Act of 2016) pag abot sa area kalit matud pa nga gipabuthan ang ang otoridad gamit ang armas nga maoy hinungdan nga mi balos usab og pabuto ang sakop sa kapulisan nga maoy hinungdan sa kamatayon ni alyas Jessie.
Dali usab nga gidala ang suspect sa pinaka dool nga balay tambalan apan gideklara kining dead on arrival sa doktor. (Jun Abelo)
Photos: PCADG R12