- Advertisement -
Sultan Kudarat – Sikop ang usa ka lalaki kansa gituohang naghupot ug dili lisensyadong mga armas atol sa gihimong ronda sa hiniusang pwersa sa kapulisan sa panimalay niini sa Purok Tagumpay, Poblacion Esperanza, Sultan Kudarat, kagahapong adlawa, Enero 19, 2024.
Giila ni PBGen Jimili L Macaraeg, Regional Director sa PRO 12, ang suspek nga si alyas “Michael”, 29-anyos, minyo, gikonsiderang “Top 10 Priority Target” sa Esperanza MPS ug residente sa maong lugar.
Giaresto ang nasampit alas-6:03 sa buntag dihang gisilbi sa mga awtoridad sa balay niini ang search warrant nga giisyu sa RTC, 12th Judicial Region, Branch 19, Isulan, Sultan Kudarat.
Nakumpiska gikan sa balay sa suspek ang usa ka yunit sa cal. 38 nga armas nga may upat ka mga bala ug usa ka unit sa Granada.
Pahimangno sa Regional Director sa katawhan nga adunay tukmang silot ang kinsa mang maghupot ug iligal nga armas ug eksplosibo. (Jun Abelo)
(Source: Soccsksargen PCADG)
- Advertisement -
