Malampusong nadakpan ang usa ka lalaki nga giingong Top 10 Regional Most Wanted Person human sa koordinasyon nga operasyon sa mga awtoridad sa Liliongan, Carmen, North Cotabato, niadtong nakalabay’ng adlaw.
Uban sa kooperasyon sa Carmen Municipal Police Station, 2nd Cotabato Provincial Mobile Force Company ug Cotabato Police Provincial Office, nasikop ang suspek nga giilang si alyas “Bernie”, 41-anyos, residente sa nasangpit nga lugar.
Si alyas Bernie nag-atubang og kasong 2 counts of Rape sa Regional Trial Court, 12th Judicial Region, Branch 16, Kabacan, Cotabat nga walay girekomendar nga piyansa.
Sa pagkakaron, ang suspek anaa sa kustodiya sa mga otoridad alang sa katugbang nga dokumentasyon ug disposisyon.
Ang tibuok hanay sa Police Regional Office 12 nagpadayon sa pagpakusog sa kampanya batok sa kriminalidad pinaagi sa mga operasyon nga gitumong sa pagsubay ug pagproseso sa mga wanted sa tibuok rehiyon.
Kini nga mga operasyon dili lamang nagpunting sa dagkong mga kaso, apan usab sa mga indibidwal nga adunay mga outstanding warrant nga mahimong peligro sa komunidad.
Pinaagi sa maong mga operasyon, ang PNP naningkamot nga masiguro ang kaluwasan ug kalinaw sa tibuok rehiyon.
(News&Graphic: PCADG12)