Karong panahona daghang mga katawhan ang nagkalisud ug nagkinahanglan og serbisyo sa goberno ug sa mga pribado nga pundok.
Isip panaad sa Consolacion Sarok Sigasig Eagles Club ubos sa Fraternal Order of Eagles, ilang panaad na sa tuig 2025 mas daghan pang serbisyo sa kumunidad sa Sugbo pinaagi sa lain-laing mga proyekto ug kalihokan.
Ang Fraternal Order of Eagles usa ka internasyonal nga non-profit nga organisasyon nga naghiusa sa espiritu sa kagawasan, kamatuoran, hustisya, ug pagkaparehas aron mapalambo ang kinabuhi sa tawo pinaagi sa pagpakunhod sa mga kalisdanan ug pagpalambo sa kalinaw, kauswagan, kalipay, ug paglaum.
Si Consolacion Sarok Sigasig Eagles clubs
Founder/Council of Elders Carlos Bustillo nibutyag nga dako nilang kalipay ug gugma ang pagserbisyo sa katawhan nga wala naghulat og balos sa bisan asa man nga lugar.
Gipadayag usab ni Constancio Go, president ug Norberto Inot, besi president
ang ilang mga nahimo nga pagtabang sa kumunidad sa nakalabay na katuigan ug ila pa kining dugangan.
Ang ubang opisyalis ug miyembro nga sila si: Francisco Navarro Jr., Engr. Jovane Hermoso, Rodolfo Sinadjan, Solomon Igot, Ricky Repunte, Alvin Tatoy, Lolito Mahinay, Mark punay, Hercules Romanillos, Filmar Abarquez, Nino Paternal ug Daniel Damilis naglaraw nga aduna pay daghang mga information drive ilang himuon sa Sugbo para kabataan ug katawhan isip kabahin sa suporta sa kapulisan ug sa goberno.
Nanghinaot ang Consolacion Sarok Sigasig Eagles club sa mga Pilipino na niining panahon sa Pasko mapuy-an unta ang gugma, pagtinabangay ug paghinatagay sa matag usa. (Renante Socia Lada)